La melhenga blava

La melhenga blava (Caeruleus cyanistes) es un auselon de la familha de las melhengas. Amb la melhenga carbonièra es la melhenga mai correnta (fins a 2,5 cobles per ectara). Es plan mai pichona que sa cosina carbonièra, fa : 11-12 cm de long, de 17,5 a 20 cm d’envergadura per un pes de 9 a 13g . Es un pichòt ausèl amb un bèc robuste e puslèu cort.Melhenga blava - Mésange bleue - Caeruleus cyanistes

Es un auselon plan colorat, a lo ventre jaune amb una fina linha blava, son esquina es blava amb lo naut verd, a una benda negra suls uèlhs e las gautas blancas. Lo mascle e la feme se pòdon diferenciar, mas sonque a la prima : a aquel periòde, lo mascle a de colors mai vivas que la feme.

Melhenga blava - Mésange bleue - Caeruleus cyanistes
Melhenga a la manjadoira

Coma totas las melhengas es un ausèl fòrça actiu que se noirís dins los arbres en cercant jos las fuèlhas e sus la rusca. Manja de pichons invertebrats (insectes e aranhas), de baias e de granas en ivèrn. En ivèrn es un ausèl fòrça corrent a las manjadoiras (lo mai corrent apuèi los aparrats en çò mieu) e coma la melhenga carbonièra li agradan fòrça las granas de virasolelh.

Melhenga blava - Mésange bleue - Caeruleus cyanistes
Aquí una melhenga que visitava un trauc plan tròp gròs.

Coma gaireben totas las melhengas, la melhenga blava nisa dins de traucs, es cavernicòla. Nisa dins de traucs de pichona talha, ont que siaguen, pòdon èsser de traucs dins un arbre, una paret, un tudèl, etc. Mas plan segur nisa tanben dins los nisadors, a condicion que lo trauc siague a sa talha ( 27-28 mm de diamètre). La feme pond entre un e dos còps per an d’abril a junh, puèi coa tota soleta sos nombroses uòus (de 9 a 13) pendent 12-16 jorns. Al cap de 16-23 jorns los pichons fòranisan. Pendent que la feme coa lo mascle la noirís e apuèi los dos noirisson los joves. Al cap d’un an los pichons auràn lor maturitat sexuala e se poiràn reprodusir a lor torn.

Melhenga blava - Mésange bleue - Caeruleus cyanistes

Bibliografia : Tout sur les oiseaux d’Europe de Marc Duquet, lo siti : oiseaux.net e lo siti nichoirs.net

 

Publicités

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s

%d blogueurs aiment cette page :