Lo vòl dels ausèls

Dins aqueste article nos anam interessar al vòl dels ausèls e veire cossint un òme poiriá volar.

La prumièra causa que nos ven a l’esperit quand parlam de volar, son las alas, mas cossint ajudan per volar las alas ? Tot es una question de fisica : las alas son pas planièras, al nivèl del muscle an una forma arredondida que lor permet de volar. Çò mai important es que lo dessús de l’ala es mai arredondit que lo dejós. Aquí doas copas transversalas de l’ala per explicar aqueste fenomèn.

IMAG0004
Se daissam un ausèl dins lo cèl sens vitessa va tombar per çò que la gravitat exercís una fòrça mai granda que la resisténcia de l’aire.
Ala en vòl
Mas per contra, tre que pren de vitessa, coma l’ala es mai redonda sul dessús que sul dejós, l’aire que passa dessús va mai lèu que l’aire que passa dejós per arribar al meteis moment çò que « escafa » una partida de la gravitat: la resisténcia de l’aire es doncas mai granda que la gravitat, çò que fa que l’ausèl pòt pujar.

La majoritat dels ausèls bat de las alas, çò que lor permet d’anar mai lèu e mai o mens naut. En conclusion, per volar cal aver d’alas amb la bona forma, mas tanben de muscles potents per batre de las alas o just per las manténer dreitas.

Per volar, los ausèls an una massa febla per rapòrt a lor talha, çò qu’es permés gràcias a d’òsses voides mas resistents amb de « pilars » a l’interior que los empachan de se copar. Coma avèm vist, an d’alas que lor permeton de volar en compensant la fòrça de gravitat ; de mès, al cap de las alas an de grandas plumas qu’aumentan la resisténcia sens tròp aumentar la massa. E per acabar, los ausèls an de muscles plan fòrts per volar, que representan 20% de la massa e que son estacats a un òs fait exprès : la forcèla o paleta (estèrnum).

La nocion que permet de saber se un ausèl pòt volar, es la carga alara : es a dire la massa per rapòrt a la superficia alara : aquesta grandor s’exprimís en g/cm2 o en kg/m2.Cliché 2017-06-28 11-25-50

IMAG0005
Aquí un dessenh que mòstra plan la diferéncia de susfàcia alara e doncas de carga alara entre l’auca del Canadà (esquèrra) e l’agla reiala (dreita).

Se volèm far volar un uman cal saber quina envergadura li cal per poder joslevar sa massa enòrma. Anam préner l’exemple d’un òme de 60 kg ; per volar li cal de muscles : 20 % de sa massa finala. Doncas pesariá 75 kg : 75 – 20% de 75 = 60. Ara cal reussir a far volar 75 kg e pas 60 ! Coma vesèm dins lo tablèu, la carga alara mai granda per un ausèl es de 2g/cm2. Anam préner aquesta carga alara coma maximum admissible per poder volar sens problèma. Aqueste ausèl es l’auca del Canadà que pesa 5,6 kg per 1,8 m d’envergadura.

Massa (kg) Envergadura (m)
Òme 75 ?
Auca del Canadà 5,6 1,8

Amb un producte en crotz podèm trobar la responsa a nòstra question : (1,8 x 75) / 5,6 = 24,5

Doncas per poder volar, un uman deuriá aver una envergadura de 24, 5 m o un pauc mens amb d’alas mai largas, 15 kg de muscles en mai e un novèl òs…

Mas amb tot aquel equipament poiriá just volar a bassa altitud ! Per anar naut, los ausèls an de sacas aerianas que son de pòchas que s’emplenan d’aire e que permeton als ausèls d’aver mai d’oxigèn quand son nauts e que l’aire a un taus d’oxigèn mai bas.

Falcon pelegrin 3
Lo falcon pelegrin a gaireben una carga alara de 1g per cm2 çò qu’es degut a son importanta massa e a sa pichona susfàcia alara (sas alas son finas e pro cortas).
voltor
Lo voltor comun es un bon exemple dels gròsses rapinaires.
Toda en vòl
La toda coma lo voltor es adaptada per planar pendent d’oradas, fòrça naut, mas malgrat d’alas a pauc prèp parièras, la toda a una carga alara de sonque 0,4 g/cm2 contra 0,8 g/cm2 pel voltor. Aquesta diferéncia es deguda al fait que quand agrandissèm un còs, son volum (e doncas sa massa) es multiplicada dins las 3 dimensions, mas la superficia pas que sus 2 dimensions.
Tiron en vòl
Lo tiron a tanben una gròssa carga alara, 1,3 g/cm2, las rasons son las meteissas que pel falcon pelegrin : a una massa importanta e d’alas cortas e finas, es per aquò que bat de contunh de las alas.
Gavian en vòl
Lo gavian malgrat sas alas plan finas a una carga alara puslèu febla, sonque 0,4g/cm2 mas es tot simplament per çò que sas alas son plan longas e per çò qu’es un ausèl leugièr per rapòrt a sa talha.
Publicités

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s

%d blogueurs aiment cette page :