Lo pic verd

Lo pic verd (Picus viridis) es un ausèl de la familha dels pics de talha mejana : 33 cm de long, 40-42 cm d’envergadura per un pes de 200 g. Coma totis los pics, lo pic verd a un bèc pro long e robust que li servís per traucar los arbres. A 4 dits orientats diferentament per rapòrt als autres ausèls : n’a dos davant e 2 darrièr per mellhor téner suls arbres.

Lo pic verd davant son trauc

Es lo pic d’Euròpa mai colorat : a l’esquina verda, lo ventre blanc verdós, la coa verda-jauna e lo dessús del cap roge. Son uèlh es gris amb lo torn negre. En çò del mascle i a tanben una mostacha roja mentre que la feme a una mostacha negra.

Encara una diferéncia amb los autres pics : lo pic verd, el, demòra dins los vergièrs e dins los òrts bèls amb qualques arbres, mentre que los autres pics an besonh de bòsques plan denses. Atal, lo pic verd es mai aisit a veire mas es pas lo mai corrent (lo mai corrent es lo pic picaformic Dentrocopus major). Per n’acabar amb sas « anormalitats », cal precisar qu’allòc de manjar cucas que tròba dins  los arbres, lo pic verd a agut l’idèia de manjar principalament de formigas que tròba pel sòl e dins lor formiguièra.

Lo pic verd

Lo pic verd fa enfin quicòm coma los autres pics : trauca los arbres per far lo nis. Lo trauc de dintrada es generalament redond, de còps oval : mesura de 6 a 7 cm de diamètre. Al cap de mantunas setmanas de dur trabalh, la feme pond entre 5 e 7 uòus que seran coats en alternància pel coble, pendent un pauc mai de doas setmanas. Los joves pics espelisson sens plumas e òrbs ; mas al cap de 18-21 jorns a se far noirir de formigas, son prèstes per fòranisar !

Publicités

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s

%d blogueurs aiment cette page :