Enfin aquí

Ièr faguèri un pichon torn al domeni dels ausèls de Maseras. Estranhament i aviá pas grand causa per una debuta de prima, sabiái qu’i aviá un pluvièr gris (Pluvialis squatarola) qu’èra estat vist recentament, mas sabiái pas ont èra ni se i èra encara. Anèri a un observatòri e i vegèri lo prumièr coble de cambarudas. Cambaruda

Una femna que trabalha al domeni dels ausèls arribèt per gaitar çò qu’i aviá e m’indiquèt lo pluvièr gris al fons a mai de 50 mètres de l’observatòri (çò qu’es plan tròp luènc). Me diguèt tanben qu’èra plan rar per aicí, lo darrièr còp qu’èra vengut èra en 2012, fa 5 ans.Pluvièr gris

Èri content de ne veire un, mas èra luènc e lo podiái pas plan fotografiar. Al cap de 5-10 minutas faguèt qualques passes en s’aprochant, un pauc. Mas èra totjorn tròp luènc. Tot d’un còp, en sortent de darrièr una mata d’èrbas, s’envolèt. Me disiái « Es fotut, va partir darrièr, dins un autre estanh ! » E non, baissèt e … se pausèt dins l’èrba just davant l’observatòri, a mens de 10 mètres de mon objectiu !

Pluvièr gris arribada

En mai, al luòc d’aver paur del brut de mon aparelh fotografic, se passegèt en manjant d’insèctes e de vèrms ! Demorèri gaireben una ora a lo fotografiar abans de partir cap a un autre observatòri. Pendent aquesta ora faguèri 500 fotografias d’ausèls, dont mai de 400 del pluvièr (fotografièri tanben una coardèla que venguèt al mièg de las èrbas davant l’observatòri).

Aquí qualques unas de las melhoras fotografias :

Pluvièr gris 5Pluvièr gris 3Pluvièr gris 2

Qu’es aquel ausèl, puslèu rar en çò nòstre ? Lo pluvièr gris (Pluvialis squatarola) es un ausèl del bòrd de l’aiga de talha mejana : de 25 a 30 cm de long, 71 a 83 cm d’envergadura per un pes de 200g.

Nisa dins la tondrà artica del nòrd d’Euròpa e passa l’ivèrn sus de plajas del sud d’Euròpa. En migracion, s’arrèsta sus de lacs interiors, coma los lacs del domeni dels ausèls. Cada coble nisa solet mas se regropan per centenas d’individús per passar l’ivèrn.

Se noirís subretot d’insèctes e de granas en estiu e en ivèrn manja de vèrms marins, de crustacèus, de molusques e mai rarament de vèrms terrèstres. Per manjar es sovent isolat o en pichons grops.

Pondon 4 uòus sul sòl de la tondrà ; pendent 26-27 jorns, los dos adults coan a torn de ròtle. Lo mascle s’ocupa mai dels joves, per çò que la feme se’n va lèu, de còps abans que los joves sián complètament sortits dels uòus. Los adults se’n van en migracion un mes e mièg abans los joves.

Pluvièr gris 4

Coardèla flors jaunas
La coardèla

 

Publicités

One Comment

Add yours →

  1. Mercés per aquesta anóncia de la prima e pels articles sus la puput e la randola sus jornalet .com.
    Totjorn plan agradiu de conéisser melhor los ausèls.

    J'aime

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s

%d blogueurs aiment cette page :