Los grands ausèls en vòl

Aquí un article mai cort que de costuma, per çò qu’es un article d’identificacion, per apréner a far la diferéncia entre los rapaces de talha mejana (busas, milans, etc.) de nòstras regions e los autres ausèls que lor pòdon semblar.

Atencion ! La siloeta pòt cambiar segon l’actitud e la posicion de l’ausèl (per exemple se plana o se se daissa tombar). Mas malgrat aquò las siloetas dels ausèls càmbian pas gaire.

 

Toda
La toda (Buteo buteo) a d’alas pro longas, plan redondas e una coa mejana ela tanben arredondida. Se cal pas tròp fisar a la color per çò que pòt cambiar segon los individús (de gaireben blanc a marron plan fosc) (per ne saber mai : Toda )
Toda rossa
La toda rossa (Pernis apivorus) sembla a una toda normala, mas a una coa mai longa, mens redonda e d’alas tanben mens redondas. Son cap es mai pichon e son còl mai long (coma un cap de colomb). Sovent, a de tacas mai foscas a las espatlas, mas ela tanben a un plumatge que pòt un pauc cambiar.
Agla cauçada
A prumièra vista l’agla cauçada (Aquila pennata) sembla aisida a identificar, mas n’existisson doas « versions »: una blanca e negra e una fosca. Per diferenciar la fosca d’una toda, cal gaitar la coa, que l’a plan rectangulara, gaireben amb d’angles dreits. (per ne saber mai : Doas aglas pauc conegudas. )
Graula
La graula (Corvus corone) a gaireben la meteissa siloeta que la toda, mas amb d’alas mai cortas e lo cap mai long. Se reconeis al biais de volar, a sa talha e a sa color.
Busaròca
Las busaròcas (Circus) (aicí una dels sanhasses) pòdon un pauc semblar a una toda o a l’agla cauçada. An d’alas e una coa mai longas que las de la toda e l’agla. En mai an pas tròp las meteissas colors (levat las femes) e subretot vòlan pas parièr.
Grand corbàs
Lo grand corbàs (Corvus corax) se pòt confondre amb una graula, mas es mai grand e a una coa cuneïforma (pas redonda mas un pauc ponchuda). En vòl, crida pro sovent, en fasent un « crò » plan grèu e sonòr.
Milan
Lo milan reial (Milvus milvus) es un grand rapinaire, mai grand que la toda, que l’agla cauçada. Se reconeis aisidament a sa coa forcuda e a son biais de volar fòrça leugièr. Lo milan negre, el, es mai fosc (lo milan reial es un pauc ros) e a la coa mens forcuda. (Per ne saber mai : Lo milan negre )
Agla marcenca
L’agla marcenca (Circaetus gallicus) es una agla de talha mejana, mas l’ausèl mai grand d’aqueste article (levat lo bernat) : se pòt sonque confondre amb una toda clara o amb l’agla cauçada s’es luènc. Se reconeis d’una toda blanca per son cap en general brun e sos punts jos las espatlas. (Per ne saber mai : Doas aglas pauc conegudas. )
Berrnat pescaire
Lo bernat pescaire (Ardea cinerea) es un ausèl plan grand que se pòt confondre amb lo milan quand vòla un pauc luènc e bas, per çò que a una mena de volar un pauc semblanta (un vòl lent e pas tròp estable) (Per ne saber mai : Lo bernat pescaire )
Gavian
Los gavians (Larus) son encara d’ausèls que se pòdon confondre amb lo milan per la meteissa rason que los autres : sa mena de volar. Mas urosament es fòrça aisidament identificable de pròche. (Per ne saber mai : Lo gavian argentat de patas jaunas )
Publicités

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s

%d blogueurs aiment cette page :