Los ausèls darrièr los tractors

Los tractors, tot lo monde sap çò qu’es (normalament), los ausèls tanben, coneissèm ; mas d’ausèls darrièr los tractors  ??

Son d’ausèls que seguisson los tractors, mai que mai en ivèrn quand los agricultors lauran, per trobar de qué manjar : de ratinhòlas desrengadas pel veïcul o mai sovent de vèrms que la maquina a sortits de tèrra.

Los ausèls que seguisson los tractors pels camps son nombroses. Vaquí una presentacion de qualques unes :

coardela-camp
La coardèla comuna es la coardèla que viu mai pròcha de l’òme, doncas es normal que se passege pels camps quand lo tractor laura.  Ela, es tròp pichona per manjar de gròsses vèrms, doncas manja puslèu los insèctes que se passejavan jos la tèrra protegits de la fred.
corbidats-camp
Los corbidats son los mai nombroses ; aquí vesètz d’agaças e de graulons, mas i a sovent de graulas. Coma son d’ausèls sociables,  demòran plan  en grop pro compacte, mas pas tròp, per çò que cadun a besonh de plaça per manjar.
estornels-camp
Los estornèls son de contunh en grop dins los camps. Dins aqueste cas n’i aviá un cinquantenat (amont es pas un estornèl, es un milan). Manjan d’insèctes coma la coardèla. S’envòlan sovent, pas sonque quand lo tractor torna passar. S’envòlan, fan qualques torns e puèi se pausan tornar.
garda-buou-camp
Lo garda buòu es pas un ausèl tròp corrent pels camps mas es un oportunista : manca pas una ocasion coma un tractor que remena la tèrra. Es un ausèl pas tròp pauruc cap al tractor e s’envòla al darrièr moment, quand lo tractor arriba a un o dos mètres d’el. Un còp qu’es pausat bolèga pas tròp, camina un pauc mas es tot.
gavina-camp
Los gavians e las gavinas son d’ausèls pro corrents (en Arièja, los gavians se veson mai sovent que las gavinas). La gavina fotografiada aquí èra sola, mas en tot cas, a cada còp qu’èi vist de gavians, n’i avià fòrça, de còps un centenat.
milan-reail-camp
Aquesta siloeta caracteristica es la del milan reial, un ausèl pro corrent en Arièja en ivèrn. Es per aquò que per ieu, es un pauc l’emblèma dels ausèls darrièr lo tractor. Pendent tot l’ivèrn, ne vesi en grops mai o mens importants : lo jorn de la fotografia èran un bon vintenat.

milan-reial-verm

milans-reials-camp
Los milan reials manjan de vèrms, que pòdon èsser pro grands coma se vei sus la fotografia. Sus la fotografia superiora, lo vèrm devià far 23 cm (ai fait un pichon calcul). En bas, vesèm que los milans reials son pas totjorn amistoses entre elis, çò qu’es estranh quand sabèm que dòrmon dins de dormitòris d’un centenat d’individus.
toda-camp
Un ausèl plan comun en general es la toda (o busa), mas qu’en çò mieu es mens correnta pels camps darrièr los tractors que los milans. La vesi mai sovent pels camps quand se passa pas res que quand l’agricultor i trabalha.

Per poder observar aquela ronda de grands ausèls es pro simple : per saber ont n’i a, basta de gaitar lo cèl, los milans e las todas viran sovent al dessús del tractor que los desrenga en tornant passar.

Advertisements

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s

%d blogueurs aiment cette page :