La cigonha blanca

La cigonha blanca (Ciconia ciconia) es un ausèl plan grand de mai de 1m de long e mai de 2m d’envergadura. La cigonha es un ausèl fòrça conegut e aimat. La cigonha blanca, coma son nom o indica, es majoritàriament blanca e pas negra coma sa cosina la cigonha negra (es pas una farcejada, exitís vertadièrament, mas malurosament es plan rara). A lo còl, lo ventre, l’esquina e la mitat de las alas blancas. Coma los autres ausèls de sa familla, los ciconiiformes, la cigonha es una cambaruda. A un long bèc, un long còl e de longas patas.cigonha

La cigonha es un ausèl que viu dins los endreits desgatjats e umids. Se noirís de peisses, de granhòtas, de colòbras, de crustacèus, etc. Li arriba quitament de manjar de pichons mamifèrs, coma de ratinhòlas o mai rarament de mostèlas. Son metòde per « caçar-pescar » es de caminar dins los camps e los prats (sas longas patas li permeton de caminar dins d’èrba nauta) e d’arrapar un pauc tot çò que tròba amb son grand bèc plan ponchut. Quand nisan en colonia, es plan corrent que se noiriscan tanben en grop. Quand nisan en vila o al bòrd d’un lac, se’n van sovent en planant, coma los rapinaires, fins a un prat qu’i an la costuma de se noirir.

 

Las cigonhas, son d’ausèls migrators que parton cada annada en direccion d’Africa eqüatoriala. Lor migracion fa mai o mens 10 000 km e dura entre 4 e 7 setmanas. La migracion se fa en grop e en seguissent un trajècte plan precís : siá passan pel destreit de Gibraltar, siá per la Turquia e la Mar Roja. Passan per aquelis dos endreits per çò que vòlon pas passar per dessús la mar, qu’i a gaireben pas de corrents ascendents. En efièit, las cigonhas utilizan los corrents ascendents per volar e utilizan pauc la fòrça de lors alas. (Los corrents ascendents son de bofiòlas d’aire caud que se crèan sul sòl e coma son mai caudas que l’aire de l’entorn, pujan ; coma pujan, d’unis ausèls ne profièitan en planant a l’interior de la bofiòla, per pujar mai naut e se daissar lisar sus qualques quilomètres apuèi).

cigonha-en-vol

Los cobles de cigonhas son units per la vida, mas pendent la migracion se desseparan per se tornar trobar al retorn sus lor nis. Lo nis es fait de brancas e es lo mai sovent pausat sus un arbre, un bastiment o una pilona electrica (d’unas son faitas exprès) ; es un nis vertadièrament gròs, que pòt pesar fins a mai de 700 kg (en mejana 400). La feme pond generalament 4 uòus que son coats pel mascle e la feme, un pauc mai de trenta jorns ; puèi las pichonas cigonhas espelisson. Los pichons son noirits a pauc prèp un còp cada doas oras fins a lor prumièr vòl, a l’edat de 60 jorns. Un còp envolats, los joves se reconeisson per çò qu’an lo bèc negre e pas roge.

jove-cigonha
Jove cigonha dins son nis
Publicités

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s

%d blogueurs aiment cette page :