Lo voltor comun

Lo voltor comun (Gyps fulvus) es un grand rapinaire carronhard que viu en montanha. Fa partida dels mai grands rapinaires occitans, darrièr lo voltor negre e lo trencaòs (Gypaetus barbatus). Mesura 1,10 m de long per una envergadura de 2,4 a 2,8 m. Coma los autres voltors, es fòrça gròs e pesa entre 8 e 11 kg (lo pes d’una mandra). Lo voltor comun a una coa fòrça corta e d’alas plan grandas. Es brun clar sul ventre, sus l’esquina e sus la mitat de las alas, l’autra mitat es negra.voltor

Es un carronhard, doncas caça pas ; es lo voltor mai gregari e cèrca las caraunhas en grop ; totis los voltors vòlan, aluènhats l’un l’autre d’un quilomètre. Coma aquò, quand un voltor vei una carronha, los mai pròches lo veson davalar, lo seguisson e atal fins que totis los voltors sián a virar al dessús de la carronha. A causa de son pes, lo voltor se pòt pas envolar just en qualques còps d’alas, a besonh de se lançar del naut d’un bauç ; aquò’s la rason del fait que se pause pas sulpic, a tròp paur que i aja un dangièr pel sòl, o que la carronha, siá just una vaca endormida.

Doncas los voltors viran fins que los mai atalentats se pausen a qualques mètres de la carronha, puèi tre qu’un voltor ataca lo cadavre, totis los autres se pausan. Un còp lo repais començat, los voltors càmbian de compòrtament e se botan a se batre,  intimidar los autres, etc.

de-voltors-al-dessus-duna-caronha
De voltors al dessús d’un cadavre

Mas de còps es mai rapid per se pausar, quand i a de milans reials e de corbasses ja sus plaça. Los voltors comprenon qu’i a pas de dangièr e fan fisança als corbasses. Pendent lo repais, los voltors botan lor cap plan prigond dins la bèstia mòrta, es per aquò qu’an un còl tan long e sens plumas (an just una pichona borra) e qu’an un tor de còl de plumas plan sarradas. Lo tor de còl lor servís per empachar la sang de rajar e de tacar lor plumatge (çò qu’empachariá lo plumatge de jogar son ròtle isolant) ; quand an acabat de manjar daissan secar la sang sul còl, puèi en se gratant amb la pata, la fan partir coma de posca.

Los voltors comuns nisan en colonias dins de bauçes sus de nises que fabrican amb de brancas secas. Contràriament a çò que s’es longtemps pensat, los cobles son pas units per la vida, arriba pro correntament que los cobles càmbien, qu’un voltor n’abandone un autre. La feme pond un uòu unic en plen mes de genièr, puèi va coar tota sola aqueste uòu pendent 48 a 55 jorns. Lo mascle passa la jornada a cercar de caraunhas que son plan raras a aquela epòca (los tropèls son dintrats per l’ivèrn). Lo pichon sòrt de l’uòu en març e de còps en abril. Un còp defòra, lo pichon sera abelit pendent mai de 110 jorns, mas urosament per el, a la debuta de sa vida, la nèu fond çò que permet als voltors de veire de carronhas amagadas jos la nèu abans.

los-voltors-sus-un-una-montanha
De voltors pausats sus de ròcas.
Advertisements

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s

%d blogueurs aiment cette page :