Gaireben mancat

Ièr, faguèri un pichon torn a Maseras : coma de costuma a aquela sason, pas fòrça ausèls, sonque aucas, cigonhas, tirons, becassinas, etc. Urosament, i a qualques migrators de mai, coma lo cabidolet comun (d’unes lo dison « pescairòl »).

lo-cabidolet-comun
Cabidolet comun (calidris alpina)
las-posicions-del-bernat-n1
Un bernat pescaire

E puèi, un garda riu arriba e se pausa sus una branca davant ieu ! Ieu, tot content, afusti la branca plan lèu, realizi que soi pas al bon endreit, lèvi un pauc l’objectiu, fau la mesa al punt e lo garda-riu s’en va far de sus-plaça al dessús de l’aiga mai luènc, puèi desapareis.

Quina decepcion ! L’ai mancat ! Un ausèl tan dificil de fotografiar… Mas me disi que s’èra vengut pescar e qu’aviá agut paur, alavetz tornariá. Doncas, decidissi d’esperar mièja orada de mai.

img_4245
Partit !

E puèi, lo miracle ! Exactament mièja orada apuèi, torna !

Per pas li far paur, bolègui doçament l’aparelh fotografic e ensagi de far la mesa al punt, mas se fa darrièr ! Ensagi encara e encara, e al cap de trenta secondas fonciona. A la prumièra fotografia, torni respirar e apuèi, al ritme de las fotografias, me destibi. A non ! Es partit ! Non tot va plan, èra just anat pescar,e torna una escarabissa. Puèi torna cabussar, mas aqueste còp arrapa pas res. Se repausa un pauc e puèi s’en va. Doas o tres minutas de plaser !

enfin-enfin

Vau profieitar d’aquesta aventura per far una descripcion pro rapida del garda riu.

Lo garda riu (Alcedo atthis) es un pichòt ausèl de 16 cm de long, 25 d’envergadura e que pesa entre 30 e 45 g. Es un dels ausèls mai colorats d’Euròpa amb sas colors gaireben fluorescentas. A lo cap e las alas blau fosc amb de punts mai clars. Son esquina es blava plan clara e son ventre es irange. Sus las fotografias, es una feme : se reconeis a la basa del bèc irange. Sa siloeta es plan especiala : a un cap plan gròs amb un bèc fòrça long per pescar.

Pesca pichons peisses, escarabissas pichonas e de còps granhòtas. Los arrapa en cabussant dins l’aiga dempuèi una branca ; un còp lo peis arrapat, sòrt de l’aiga e se torna pausar sus la branca per assucar sa preda en la tustant sus la branca. Un còp son repais assucat, l’engolís en entièr.

Viu lo long dels rius o al bòrd dels estanhs. Son nis es un trauc dins un bauç al bòrd de l’aiga. Los dos adults fan lo trauc amb lor bèc, puèi la feme pond entre 6 e 7 uòus que coarà en alternància amb lo mascle. Un còp espelits, los joves se botan en cèrcle, quand lo pichon es en fàcia del trauc, a de manjar, lo cèrcle vira e es al seguent de se far noirir, es coma un manètge.

garda-riu-2

Publicités

One Comment

Add yours →

  1. Mercés per aquelas fòtos tan polidas e la presentacion d’aqueste aucelon
    Òsca per lo blòg e sa presentacion novèla!

    J'aime

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s

%d blogueurs aiment cette page :