Lo tiron còlverd

Lo tiron còlverd (Anas Platyrhynchos) es un tiron de granda talha. Mesura de 50 a 65 cm de long, fa entre 75 e 100 cm d’envergadura e pesa de 850 a 1400 g. Es lo mai corrent e un dels mai aisits a reconéisser. Viu pertot on i a d’aiga en  pro granda quantitat  (lacs, rius, canals, etc).

Coma son nom o indica, a lo còl e lo cap verds, son pitre es brun, son esquina grisa amb un degradat brun e son ventre es gris-blanc : aquí pel mascle. La feme, coma totas las autras tironas, es bruna, mas se pòt ça que la reconéisser sens tròp de dificultats : a una taca blava sus l’ala ; aquela taca es un pauc la marca de fabrica del còlverd.

Tiron mascle
Mascle
Tirona
Una feme, sus aquesta fotografia la taca blava es pas visibla, mas se pòt veire sul mascle.

Fa partida dels tirons dits de susfàcia, es a dire que cabussa pas entièrament per se noirir. Los còlverds se revèrsan dins l’aiga per manjar d’èrbas al fons de l’aiga : quand o fan, an pas pus que lo cuol que despassa.

Lo mascle s’implica pas dins la nidificacion, feconda la feme e puèi se’n va. Lo nis del tiron es pel sòl dins las èrbas nautas e de còps dins un trauc d’arbre (mas es mai rar). La feme pond entre 8 e 10 uòus (de còps mai) que coa pendent un trentenat de jorns. Qualques oras aprèp èsser sortits de l’uòu se’n van dins l’aiga ont tròban lor noiridura essencialament solets ; son nidifuges. La maire sap fòrça plan protegir sos pichons e los uòus : quand un predator se n’apròcha, se bota a cridar amb una ala estirada en s’aluenhant dels nis ; lo predator crei qu’es nafrada e se desinteressa dels pichons per la perseguir.

Tironets

Los tirons còlverds son d’ausèls puslèu gregaris mas subretot per las migracions e autres desplaçaments. Lo còlverd a d’alas muscladas que li permeton en batre plan lèu d’arribar a 80 km/h. S’envòla de sus l’aiga gaireben a la verticala.

Tirons vòl

Per mai d’images clicar aicí

 

Publicités

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s

%d blogueurs aiment cette page :