Los autres bernats

Dins un article recent parlèri del bernat pescaire, mas es pas tot sol dins la familha. En tant que membres de la meteissa familha, partejan de similituds, coma lo fait de manjar de peisses, de crustacèus, d’insèctes aquatics e d’autres pichons vertebrats ; e tanben lo fait de nisar en colonias, sovent amb d’autras espècias de bernats.

 

Lo guiraudet (Nycticorax nycticorax)

Bernat bihoreau

Lo guiraudet es un bernat de talha mejana. A de fòrça polidas colors, mas a un còl tròp cort que li balha l’aspècte d’un gibós. Lo dessús de l’esquina e de son cap es negre, e lo dejós mai clar, gris sul ventre e blanc sul còl. Es un ausèl puslèu nocturne, mas se pòt veire en activitat dins la jornada. Mesura entre 58 e 65 cm de long, fa entre 105 e 112 cm d’envergadura e pesa fins a 1 kg. Es en regression pertot en Euròpa a causa de la desaparicion de las zònas umidas.

 

Lo garda buòu (Bubulcus ibis)

Garda buòu

Lo garda buòu es un bernat plan corrent, pels prats, en companiá de las bèstias. Es un bernat plan gregari. Contràriament a sos cosins, se noirís mens d’animals aquatics e mai d’insectes que tròba pròche de las vacas e dels cavals, viu plan mens pròche de l’aiga mai se demòra importanta per el. Es tot blanc, levat en estiu ont a de ros sul dessús del cap e sul pitre. De talha leugièrament mai pichona que lo guiraudet mesura 56 cm de long e entre 88 e 96 cm d’envergadura, per contra es plan mai leugièr : pesa 300-400 g.

 

Lo petit bernat blanc (Egretta garzetta)

Petit bernet blanc

De totis aquelis ausèls, lo petit bernat blanc es lo qu’èi mai vist e mai fotografiat. Es corrent al bòrd del riu mai pròche de mon ostal e a Maseras. Sembla a son grand cosin, mas a lo bèc negre e  lo cap de las patas jaunas (lo demai de la pata es negre). En estiu a de longas e finas plumas sul còl, sul crani e sus l’esquina. Pesca de peisses dins d’aiga pas tròp prigonda ; sa tecnica es originala : remena una pata per far venir los peisses e de còps fa d’ombra amb sas alas per atràser sas predas. Li arriba de córrer en batre de las alas per arrapar un peis. Fa la meteissa talha que lo guiraudet, es a dire 60-65 cm de long per 86-104 d’envergadura. Pesa de 500 a 640 g. Bernat blanc vòl

 

Lo bernat blanc (Ardea alba)

Grand bernat blanc

Es lo grand cosin del petit bernat blanc. El, a lo bèc jaune, las patas complètament negras e lo còl mai long. Nisa sovent amb de bernats pescaires. De totis, es lo mai grand : fa 3-5 cm de mai que lo bernat pescaire. Mesura entre 90 e 104 cm de long e entre 1,4 e 1,7 m d’envergadura, çò qu’es 20-30 cm de mens que lo gris e pesa 1-1,5 kg. Dins l’estat francés i a plan pauc de cobles que nisan e es subretot visible dins los camps en ivèrn. Ara es protegit mas abans patiguèt fòrça de las persecucions per sas plumas longas que servissián per ornar los capèls.

 

Lo bernat ros (Ardea purpurea)

Bernat brun

Es fòrça semblable al bernat pescaire, mas es mai brun e un pauc mai pichon. A lo meteis mòde de vida qu’aquel, levat qu’es mens sovent en plena vista, se ten mai dins las plantas nautas. Sas dimensions son : longor : 90 cm, envergadura : 120-150 cm, pes : 600- 1400 g.

Per mai de fotografias clicar aicí

 

Publicités

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s

%d blogueurs aiment cette page :