Seleccion de fotografias de Febrièr-Abril

Aquestis meses, subretot febrièr e març son plens d’ausèls, doncas m’a calgut far una gròssa seleccion.

Fuligula morelha
Commençam amb de fuligulas morelhas que vegèri pendent mon viatge en Catalonha Nòrd. Èran mos prumièrs. Aquí un mascle amb sa feme davant.
Cabusseton
Coma ai ja botat mantunas fotografias de mon viatge, ai ensajat de ne pas botar tròp, o d’autras. Aquí lo tap, un cabusseton, mens de 25 cm de long amb lo còl estirat, es tot just mai gròs qu’un punh.
Gavian
Un jove gavian pas brica pauruc de Barcelona.
Esparvièr blanc
Aquò’s un esparvièr blanc, vist a un vintenat de km de la sola nisada en Arièja. Es un jove gaireben adult, coma o indican los punts blancs sul dessús de l’ala.
Tortora dels bòsques
Una tortora dels bòsques darrièr d’èrbas, mas per un còp an pas geinat la mesa al punt automatica. Es un ausèl d’una granda beutat, mas malurosament es plan discreta.
Petit bernat blanc
Un plan polit petit bernat blanc al lac de Canet. Fasiá un pauc gris mas amb un polit lum. Darrièr, mas mai luènc vesiái un grop de flamencs ròses.
Cabussets
Lo coble en cap e cap, un polit lum de matin, la tramontana absenta, pas coma la velha. Los cabussets fan lor parada, amb fòrça claquejaments de bèc.
Pinson del Nord
Un pinson del nòrd sus una branca a Maseras, un moment ont èra calma (es una feme), tot al entorn, los verdièrs cridavan, e las melhengas passavan e tornavan passar.
Verdièr
Un verdièr mascle jaune verd que canta, un jorn de solelh dins un cacièr prèst a florir, un plaser. Per contra abans de lo fotografiar me lo calguèt cercar un momenton.
Vernhon
Un vernhon al meteis endreit que lo pinson del nòrd, es un auselon puslèu calme, levat quand las melhengas se rapròchan d’el tròp lèu lèu. Es un ausèl aisit de confondre amb un senilh, mas aqueste a lo bèc mai cort.
Coardèla
Una polida coardèla jauna, sus un illòt de còdols. Sus un autre article ne parli, per çò que se lavava e se tornava lavar.
Cavalièr
Un cambet cuol-blanc que sembla flotejar, sens s’enfonsar dins l’aiga. Es un cambet de talha mejana-pichona, es pas tròp bolegaire e puslèu corrent.
Perdritz
Aquesta perdritz s’es refugiada dins un camp apuèi s’èsser faita fotografiar al bòrd de la rota.
Publicités

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s

%d blogueurs aiment cette page :