De bècs e de bècs

Los bècs dels ausèls son en relacion amb lor noiridura.

LOS INSECTIVÒRS

IMG_7861
Bèc de ratet
IMG_0911
Bèc de papachroge

La màger part dels insectivòrs  an un bèc fin e long. Fin, per çò qu’a pas besonh d’un bèc gròs e long per plan arrapar los insèctes. D’unis, subretot las irondas e los faucilhs, an un bèc fin e cort mas una boca que se druèp fins a l’uèlh.

IMG_1674
Randola

LOS GRANIVÒRS

Los granivòrs a un bèc mai o mens espés, depend de la mena de granas que manjan : mai las granas son espessas, mai lo bèc es espés. Lo gròsbèc manja de granas bèlas, fins als òsses de cerièras. Lo verdièr manja de granas de mejana o de granda talha (virasolelh). Et lo cardonilh manja de granas pichonetas (cardon e pissalièit).

IMG_3798
Bèc de verdièr
IMG_5288
Bèc de gròs bèc
IMG_1767
Bèc de cardonilh

Mas d’unis ausèls son granivòrs e insectivòrs, coma las melhengas : en estiu e a la prima manjan d’insèctes e en ivèrn de granas. Contràriament als granivòrs purs, las melhengas e los pics tustan sus las granas per las copar, los granivòrs las espotisson amb lor bèc.

 

IMG_9251
Lo bèc de melhenga es pro fin per manjar d’insèctes, mas tanben robuste per copar las granas.
IMG_9240 - Version 2
Lo pic picaformic manja d’insèctes que tròba dins la fusta o darrièr la rusca, mas manja tanben de granas, subretot de pinhas e d’avelanas que blòca dins una fendascla, puèi que copa a còps de bèc.

LOS PISCIVÒRS

Los piscivòrs manjan de peisses, que siá en cabussant coma lo cabusset o en los arponant coma lo bernat pescaire. An totis lo meteis bèc, fòrça long, fin e ponchut. D’unis, coma lo còrbmarin, an un cròc al cap del bèc.

IMG_7609
Lo bèc del cabusset es una vertadièra pinça per peis. Contràriament a çò que se pensa, los ausèls sarran lo peis, lo traucan pas. Se traucan lo peis, an de mal per l’engolir.

LOS ERBIVÒRS

Los tirons (pas totis) e las aucas manjan d’èrba, siá qu’arrincan al fons de l’aiga coma lo tiron, siá qu’arrincan sus tèrra coma las aucas.

IMG_4150
Lo bèc de l’auca es mai adaptat per copar d’èrba mai dura que lo del tiron. A de « dents » suls costats del bèc.
IMG_7690
Lo bèc del tiron, estudiat per arrincar las algas e autras plantas del fons de l’aiga.

 

LOS RAPINHAIRES

Los rapinhaires son carnivòrs e an un bèc fait exprès per manjar de carn e per la talhar. An un bèc mai o mens cort (sovent pro cort en çò dels falcons e mai long en çò de las aglas, voltors) e crocut.

IMG_6681
Lo bèc de la toda

LOS FALSES RAPINHAIRES

Los falses rapinhaires son d’ausèls que manjan de carn mas que son pas vertadièrament de rapinhaires, coma la margassa o la graula. An sovent un bèc fòrt e un pauc crocut.

IMG_3319
La margassa, granda manjaira d’insèctes bèls e de vertebrats pichons, a plan besonh de son bèc potent.
IMG_6524 (1)
Bèc de graula : es long, fòrt e pro ponchut per manjar de carn.

 

Publicités

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s

%d blogueurs aiment cette page :