Las estèrnas

Aqueste article parlara pas que de doas espècias d’estèrna, la naneta e la comuna. Sera mai cort mas amb mai de fotografias, bona lectura.

Estèrna 6
L’estèrna comuna (sterna hirundo) es la mai correnta, a las alas grisas, lo còl e lo ventre blancs, lo dessús del cap es negre e lo bèc es roge amb la punta negra. sembla fòrça a sa cosina l’estèrna arctica mas aquela darièra a pas lo cap de bèc negre. Mesura entre 31 e 39 cm de long per gaireben 80 cm d’envergadura.
Estèrna 9
L’estèrna naneta (sternula albifrons) es plan pichona , mesura entre 22 e 28 cm de long e a una envergadura de 50 cm. A lo meteis plumatge que la comuna mas a lo front blanc. Son bèc es jaune.
Estèrna 4

De dejós las estèrnas son  totas blancas, levat l’extremitat de las alas qu’es grisa. L’estèrna comuna a la coa plan forcuda. l’estèrna naneta a pas la coa tant forcuda.
Jove estèrna
Los joves son plan mai bruns e tacats per melhor se camoflar : pendent que lors parents van pescar de peisses, son solets sus la platja. La jove estèrna naneta a un bèc gris jaune .
estèrna 5
Jove estèrna comuna amb un de sos parents, al bòrd de l’aiga, sus un islòt.
Estèrna 8
Lo banh de l’estèrna naneta en companha d’un ribeiròl cap ros (per veire l’article suls ribeiròls, clicar aiçi)
Estèrna 3
Las estèrnas vòlan fòrça plan e bevon en vòl. Estranhament per un ausèl d’aiga, son plumatge es pas impermeable, doncas ensaja de tocar l’aiga lo mens possible : quand pesca fa de sus plaça puèi se daissa tombar a la susfàcia de l’aiga. Es un ausèl fòrça endurant que pòt volar pendent de jorns sens se pausar. L’estèrna arctica fa la migracion mai granda de totis los ausèls, va del cèrcle polar arctic a l’antarctic (fins a 35 000 km).

 

Estèrna peis
Estèrna naneta amb un peis dins lo bèc.
Estèrna
Estèrna comuna sus un pal.
Estèrna 2
Estèrna comuna amb son jove.
Estèrnas 7
joves estèrnas comunas.
Publicités

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s

%d blogueurs aiment cette page :