Lo falcon pelegrin

Lo falcon pelegrin (falco peregrinus) es lo falcon mai gròs que nisa en Occitania : mesura entre 33 e 43 cm de long pel mascle (e la feme entre 43 e 5), e entre 80 e 115 cm d’envergadura.

A lo ventre regat orizontalament quand es adult e verticalament quand es jove. A una taca negra sul cap que li fa coma una boneta amb de perlongaments sus las gautas.Falcon pelegrin 3

Se noiris d’autres ausèls, e per aquò far a trobat una tecnica de caça tan particulara coma espectaculara. D’en prumièr obsèrva son domeni de caça (sovent una plana amb bòsques, al bòrd d’un bauç) ; quand vei un grop d’ausèls o un ausèl solet qu’es pro naut e que vòla pro rectilinhament, s’envòla dins lo sens contrari dels ausèls per pas lor far paur e pauc a pauc puja fins a 1 o 2 km de naut ; arribat a aquela nautor, vira per èsser en fàcia dels ausèls e se daissa tombar tot en tenent compte del vent e de  la velocitat de sas futuras presas, etc. En tombant, regula sa velocitat en plegant o desplegant un pauc sas alas.

Es gràcias a aquela casuda qu’es celèbre, es l’animal mai rapid del monde (d’un autre costat se daissa tombar, doncas es normal qu’ane lèu-lèu) amb una velocitat de 300 km/h, d’unis scintifics afirman que l’an ja observat a 400 km/h.Falcon pelegrin 2

En Euròpa coma fòrça rapaces, coneguèt una marrida passa dins las annadas 50-60 a causa de la caça e dels pesticids que se retròban concentrats dins aquel paure ausèl. Per exemple en Finlàndia, lo nombre de falcons passèt de 1000-1500 cobles a 20 en 20-30 ans ; dins l’estat francés, la situacion del pelegrin èra a pena melhora.

Per ara, sa situacion es melhora, gràcias a las accions de proteccion, de susvelhança dels nises, a l’elevatge en captivitat del cachaniu e a sa mesa en libertat.

Nisa sus de bauces, la feme pond entre 3 e 4 uòus cada an.

Publicités

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s

%d blogueurs aiment cette page :