Lo rojacoa negre, l’ausèl dels tets

Lo rojacoa negre (Phoenicurus ochrorus) es un auselon de la familha del papachroge e del rossinhòl, mesura entre 14 e 15 cm de long e fa entre 23 e 27 cm d’envergadura. Son pes varia entre 16 e 18 g. Son esperança de vida despassa pas 10 ans (maximum conegut).

Rojacoa sus fons ròseSe rescontra aisidament dins un òrt per çò que nisa dins de traucs de paret o dins un nisador fait exprès. En ço mieu, es pas tròp pauruc.

Rojacoa mascle

Rojacoa feme
Feme

Lo mascle es negre amb la coa rossa e una taca blanca mai o mens visibla sus l’ala. La feme, ela, es mai grisa e sens taca sus l’ala. Los dos sèxes an la coa rossa qu’a balhat lo nom a l’espècia.

Manja insèctes e aranhas que caça en l’aire o al sòl en los perseguissent. Per caçar en l’aire se pausa sus un endreit naut e s’envòla quand vei passar un insècte, puèi se torna pausar e contunha. En estiu manja de baias.

Rojacoa vòl

Nisa de la fin d’abril a la debuta de julhet. Pòt nisar entre 2 e 3 còps per an. Coa entre 13 e 17 jorns e los auselons se fan noirir pendent un quinzenat de jorns dins lo nis.

Lo jove sembla a una feme mas a lo bòrd del bèc plan jaune, son plumatge es espelofit e a la coa plan corta.

Rojacoa jove
Rojacoa jove

Dins mon òrt es un dels ausèls mai corrents e nisèt 2 annadas de seguida en ço mieu, espèri que ongan tanben. A ja fait 3 nises per an sus la meteissa paret.DSCF4781

Publicités

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s

%d blogueurs aiment cette page :