Randolas e faucilhs

Aquelis ausèls son pas de la meteissa familha mas se semblan : son d’ausèls rapids e que fan gaireben tot en vòl.

La randola comuna (Hirundo rustica) mesura de 17 a 19 cm de long per 32 a 34cm d’envergadura. A una longa coa amb doas plumas plan mai longas suls costats, son ventre es blanc, son cap e son esquina son blau fosc e sa garganta es roja coma la brica.

 

cap de randola
cap de randola comuna

ironda

 

 

Nisa dins de granjas e d’estables  d’avril a setembre, pond de 3 a 6 uòus entre 1 e 3 còps per an. Son nis es en forma de quart d’esfèra. Es fòrça correnta al campèstre. A la prima, canta dempuèi un pòste elevat o en volant. O fa tot en vòl, levat dormir, nisar, fabricar lo nis e se repausar.

Migra fins en Africa centrala. Mas demòra de març a setembre – octobre en Occitània, siá entre 6 e 7 meses.

Randolas migracion
randolas comunas prèstas per partir

La randolina de finèstra (Delichon urbicum) es una pichona randola que mesura 13 cm de long per 26 a 29 cm d’envergadura. A lo dejós blanc e lo dessús negre a l’exepcion del curron qu’es blanc.

randolina 3

Nisa de mai a setembre, pond entre 3 e 5 uòus 1 o 2 còps per an. Son nis sembla al nis de la randola comuna, mas a pas qu’un trauc per passar, mentre que la randola comuna daissa dubèrta una benda amont. Migra coma sa granda cosina.

randolina al nís
jove al nis

randolina

 

Caça mai naut que la randola comuna.

La randolina de montanha (Ptyonoprogne rupestris). Es una randolina puslèu rara que viu en montanha.

randolina de montanha 2
De joves en Espanha sus un castèl. Es lo sol endreit ont las èi fotografiadas.

 

Es mens contrastada que las autras randolas. Es bruna dessús e grisa dejós ; sus cada pluma de la coa a un punt blanc. Sa coa es cairada. Nisa de mai a octobre, pond de 2 a 5 uòus de 1 a 2 còps per an.

randolina de montanha

Contràriament a las autras randolas passa pas temps a l’estrangièr e en Espanha demòra tota l’annada.

 

LOS FAUCILHS

Lo faucilh negre (Apus apus) es lo faucilh mai corrent.

Mesura de 16 a 17 cm de long per 42 a 48 cm d’envergadura. Fa tot en vòl levat nisar, beu en vòl coma las randolas en rasant un plan d’aiga amb lo bèc dubèrt. Se pòt acoblar en vòl e subretot dròm en vòl : puja a mai de 1000 m d’altitud e altèrna vòl batut amb vòl planat.

Es plan cificil a fotografiar a causa de sa velocitat.
Es plan malaisit a fotografiar
a causa de sa velocitat.

Es un campion de velocitat, li arriba de passar la barra dels 200 km/h pendent qualques segondas. Pendent sas  doas prumièras annadas se pausa pas jamai : los scientifics an calculat que percor  500 000 km pendent aquelas doas annadas.

Sas patas son mai cortas que las del reipetit (Regulus regulus), l’auselon mai pichon d’Euròpa, los ornitològs, foguèron obligats de fabricar d’anèls esprès per el per lo bagar.

Lo faucilh de ventre blanc (Apus melba). Es lo mai grand : mesura entre 20 e 22 cm de long per 54 a 60 cm d’envergadura. Mas es en vòl qu’es lo mai performant, que despassa regularament 200 km/h e aisidament. En caça va entre 60 e 100 km/h contra 40 per la randola comuna.

Faucilh de ventre blanc

Mas el, dròm pas en volant. Son crit pòt semblar al crit d’un falcon. Viu mai al sud que son cosin, e mai dins las montanhas : nisa dins de bauces.

En Occitània, podèm veire doas autras espècias : la randolina de riba (Riparia riparia) e la randola rosseta (Cecropis daurica), mas personalament, las ai pas encara vistas…

Publicités

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s

%d blogueurs aiment cette page :