L’esparvièr blanc

En Arièja, avèm l’astre, de còp en còp, d’observar d’esparvièrs blancs (elanus caeruleus) : en catalan, esparver d’espatlles negres, en espanhòl, Elanio común. Es plan rar : ven d’Africa e d’Espanha, comencèt per s’installar en Aquitània. Podèm dire qu’es pas en via de desaparicion mas en via d’aparicion.

Es un ausèl plan semblable al falquet : sembla a un crosament entre lo falquet e la busaròca. A las colors (blanc, gris e negre) de la busaròca mascla, mas a la talha d’un falquet e caça coma el. En realitat es puslèu aparentat amb los milans. Mesura en mejana 33 cm de long per 81 cm d’envergadura, pesa 200 g en mejana. La coa mesura 9 cm de long.

Es una meravilha ! Es lo diamant dels rapinhaires ! Agèri lo bonur de lo veire dos ans a (almens 2 adults), mantunes còps, per çò que demorèt l’ivèrn tot dins lo meteis canton e aqueste ivèrn (de joves e un adult). Agèri l’ocasion de lo veire caçar e arrapar una ratinhòla (e la manjar aprèp) : vòla sus plaça, coma lo falquet, mas a sa diferéncia, per davalar, garda las alas en forma de V. Demòra mens pacientament a la meteissa plaça dins lo cèl. Li agradan los prats desgatjats.

Remiratz ! (Se vei pas sus las fotografias, mas a l’uèlh roge).Elanion

Sus aquelas doas fotografias, es un jove, fotografiat en decembre de 2014.

E vos, avètz agut lo plaser de lo rescontrar ?

 

Publicités

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s

%d blogueurs aiment cette page :