Noirir los ausèls

Noirir los ausèls es fòrça important en ivèrn : una melhenga carbonièra que ven de passar una nuèit plan freda, cal que tròbe imperativament de noiridura dins l’ora seguenta siquenon morís.Melhenga

Per los noirir, cal installar de manjadoiras ; n’i a doas menas : lo platèu o la manjadoira de tremèja. Se pòdon trobar sul catalòg de la LPO, o de la Hulotte o las podètz fabricar en seguent lors indicacions. Atencion, cal que sián pro aluenhadas de bartasses per que les ausèls vejan arribar los predators, mas la proximitat d’un arbre o d’un pal es favorabla.

Los ausèls manjan subretot de granas en ivèrn.  Las melhengas se congostan de granas de virasolelh e de grais, los aparrats de barrejadisses de granas, los fringillidats (pinson, cardonilh …) de granas de virasolelh e d’autras mai pichonas. Lo mèrle e lo papachroge son puslèu amators de  granas pichonas coma lo milhet.

Gràcias a las manjadoiras, poiretz profeitar de nombrosas oradas d’observacions !

Los Melhenga3ausèls mai corrents que i poiretz veire son :

 

La melhenga carbonièra o sarralhièra

 

 

Aparrat 2       L’aparrat domèrgue

Melhenga blava      La melhenga blava o blaveta

Mèrle     Lo mèrle

Papachroge   Lo papachroge

Pinson    Lo pinson

Tortora    La tortora

Lo verdièr es tanben un ausèl corrent a las manjadoiras mas en çò mieu es puslèu rar.

S’avètz d’astre poiretz aver d’ausèls coma lo gròsbèc o lo bovet.

Cal pas doblidar una causa importanta : un regropament important d’ausèls pòt favorizar d’epidèmias de malautiás. Es doncas recomandat de multiplicar los sits per noirir los ausèls e de los espaçar, de netejar e desinfectar regularament las manjadoiras.

Se demoratz dins una zòna pauc umida, pensatz de botar un platet amb d’aiga, que netejaretz sovent.

Bonas observacions !

Publicités

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s

%d blogueurs aiment cette page :